الكرة المغربية الضائعة.... وطغاء الكرة النصرانية ... لا تفوتوا

السلام عليكم ورحمة الله وبركاته
اليوم كان الماتش ،،،ولايني ماتش
--------
أو هاد الشي كلو طبعا على الماتش...مسكين ..
المهم كاتفرج فالكورة كادور من رجل لرجل ... وخا المعلق يكون كايعيرك متفهم والو
المهم خوكم مكون فواحد القنت وانا نجاوب ببرودة ،،
حط 10 دراهم الى بغيتي نقلب البارابول و10 دراهم الى بغيتي القناة ( الريكلام الرخا لله(
الواحد هو الي يدبر على راسو مع عارف راسي إيلى معطانيش والله مايتفرج في الدار
وهادشي كامل من ورا حب الريال،،
الصراحة خديت اللي قسم الله باش ندير الروشيرش على هادوك القنوات اللي فيهم الماتش
اوا بدا لماتش وتصمممرت انا و خويا حدا التلفازة ( عزارا الدوار ) بعد شي ساعتين الا ربع سالا الماتش
بالتعادل لصالح الريال 4-0 ... الفرقة الالمانية مساكن دخلو مديشارجيين ... السلامة بحال الى معندهم الماكلة
المهم ماعلينا مشي هو هادا هو الموضوع الي بغيت نكتب ليكم عليه ...
وقبل منبدى عنداكم يخرج ليا شي رجاوي ولا ودادي من الجنب ...
ولا يكون شي ألماني تالف ويطيح على موضوعي ويدعيني
أنا برييء را الكلافيي دار اللي كتب ليكم ..
-----
بدا الماتش .. وسالا الماتش
واللي وقع بين صفارة البداية وصفارة النهاية منعودوش ليكم خاصو موضوع بوحدو
.......
نرجعو عاود تاني للموضوع ...
ديما تنسول معا راسي ،،، علاش حنا ديما كاتعجبنا الفرق الغــــربية ...(ماشي المغربية)
الدوري الاسباني والانجليزي والايطالي والالماني وكل واحد واش حب خاطرو
ومتقولوليش عندهم متعة كرة القدم وزيد وزيد ...
هادشي عارفينو وعارفين أنهم كوايرية وتيعجبوني حتى أنا
بيني وبينكم عمركم شفتو شي إسباني تيشجع الوداد ولا الرجاء ...
ولا تايقتل باه ويقجو على ثمن توني ولا راية ديال الرجاء... وديما خضرا ..
ونهار الاحد كاتلقاهم مكبوبين في القهاوي شادين الرياضية تيتسناو الماتش ( الديربي المغربي ) هههه
وتهز القهوة على البيت تسجل ... GooooooooooooooooooL
تصورو معايا شي ألماني كايقول لصاحبو ديما حسنية آكادير ( بالالمانية طبعا )
ولا شي إنجليزي تلقاه كايشجع الكوكب المراكشي
أما شي إيطالي ميكون غير من معجبين شباب المسيرة ..
المهم ماعلينا ... هادي غير أمنيات وخلاص على حالة الكورة ما عندنا لا تيران لا لعابة لا جمهور يفرح ...
نهار شي ماتش خصوصا الي تيسميوه الديربي ... الطوبيسات كايديهم ربي حتى هوما
كاينقارضوا وتيبقا غير الكاركاس ديالهم اللي تيدور في الشوارع
عامر الفوق ولتحت ومن الجناب ومن لوسط والناس مدفوووووعين ..
والريوس خارجين من كل قنت وووووووووووو اوي اوي اوي اوي راجااااااااااا ويداد ...
وشد ليا نقطع ليك وضربني نضربك ... غير خليها على الله
والله حتى حشمت ندير المقارنة ...
آآآآآه .... عمرك سمعتي شي إسباني سول صاحبو " أ صاحبي آش دارت الراجا البارح ؟؟؟ وا راه مطحتش على الكود ديال الرياضية " ..
مع ماعندهومش درب غلف
وحنا منين كايكون شي ماتش ديال البارصا ولا الريال كاتلقا القهاوي بلان ...
بحال الى لاعب المنتخب في اياماتو الي ماتو ننيت ...الله يرحم الكورة ومخلات غير السميات
الرياضة ولات عندنا غير بروطوكول كاتلقا واحد حال فمو بارصا وهو معرف حتى سميت اللعابة ...
العياقة منين وصلات للرياضة مبقا ميتقال
عليها غادي نحبس هنا وحتى لشي موضوع جديد ان شاء الله